الوصية
![](https://irelandinarabic.org/wp-content/uploads/2020/05/will.jpg)
موضوع الوصية في غاية الاهمية سنقوم بمناقشة عدة نقاط:
الجانب المادى في حالة وفاة احد الزوجين او كلاهما في حالة وجود وصية او عدم وجود وصية
وضع الاطفال في حالة وفاه احد الوالدين او كلاهما في حالة وجود وصية اوعدم وجود وصية
نقاط اخري مثل الوصية للشخص الحى مقدما لاتخاذ قرارات في حال اصابة الشخص بأعاقة بصورة طارئة مثل الجلطة أو عند حدوث تغير فى الذاكرة لا قدر الله.
اولا.. في حالة عدم وجود وصية وحدثت وفاة احد الزوجين.
الجانب المادى .. سيتم توزيع التركة بناء علي القانون..الزوجة 2/3 والاطفال 1/3التركة.
النقطة الخطيرة هي ان الاجراءات بتاخد وقت طويل , حوالي سنة قبل ان يتمكن اي شخص من الحصول على اي فلوس موجودة في البنك, يمكن استثناء مصاريف الجنازة انها تتسحب بقدر.
طيب هل كارت الفيزا او الماستر كارد للمتوفي شغال؟ بيكون شغال بس التعامل به غير قانوني ..بمعني ممكن الاسرة تستخدمة الا لو حد بلغ او حصل مشكلة.
لو الحساب Joint والشخص الحى من الزوجين بيكون له الحق الكامل فى التصرف فى رصيد الحساب اوتوماتيك.
(Joint account)
بالنسبة للاطفال:
لو احد من الوالدين توفي الاطفال هيكونوا تحت تصرف الوالد الاخر
المشكلة لو الوالدين توفوا وفيه وصية لقريب يتولى حضانة الأطفال وهذا القريب داخل أو خارج أيرلندا فالأطفال بيروحوا لهذا القريب بحكم المحكمة بس لازم يظهر لعدالة المحكمة أن الأطفال تعرف هذا الشخص فعلا وتوجد ألفة بينه وبين الأطفال
أما لو مفيش وصية بمن هيكون الوصى على حضانتهم هيكون للمحكمة قرار نقل حضانتهم بم يتراءى للمحكمة من مصلحة الاطفال
بمعني:
اولا: لو فيه حد من الأقارب زى العم أو الجد أو الخال أو صديق حميم للأسرة قدم طلب لحضانة الأطفال فالمحكمة بتنظر فى الأمر وممكن تشوف ان الاطفال ( بالذات لو معاهم الجنسية الأيرلندية) أفضل لهم يكملوا تعليمهم هنا و يتم نقل حضانتهم لاسرة هنا في ايرلندا ولا يتم نقلهم لاحد اقاربهم في مصر.. ﻷن الدولة بتبص لهم علي انهم ابناء البلد والدولة مكفولة برعايتهم مش على ان أصلهم مصرى أو ابناء فلان ..
دى نقطة خطيرة جدا جدا ومحدش منتبه لها.
ثانيا..في حالة وجود وصية.
الجانب المادى: لو عايزين نطبق قسمة الميراث الاسلامية.. الاختلافات كالأتي
القانون ان في حالة وفاة أحد الزوجين فان القانون يعطي الزوج الحى ثلثين التركة كما قلنا سابقا ,
لكن لو المتوفى أو المتوفاة عملوا وصية وبعد الوفاة كان الحى من الزوجين راض عن وصية الميت فإن الوصية تنفذ أما إن لم يكن راض فمن حقه ياخد الحد الأقصى وهو فى هذه الحالة 50% من التركة وليس 2/3 .(القانون دة نزل علشان محدش يقدر يمنع زوجتة أو تمنع زوجها من الميراث)
فلو لاقدر الله الزوج توفاه الله أو العكس والشخص الحى عايز ينفذ الشريعة يبقي هيلتزم بالوصية, الا لو هي أو هو طالب ال 50% من التركة, ساعتها محدش هيمنعها أو هيمنعه.
من حقك تكتب ان حد من الاولاد ياخد اكتر من التاني, بس ماينفعش تمنع حد من الميراث اطلاقا..يعني ممكن تقول ان الاولاد الذكور ياخدوا الضعف عن الاناث.
لو عايز الوالدين أو الاخوة يرثوا كما في الشريعة فلازم يتم تحديدهم في الوصية, والا التركة هتتوزع علي الشخص الحى من الزوجين والاولاد فقط.
بالنسبة للاولاد:
موقفهم انهم ينتقلوا الي رعاية الجد او العم او الخال هيكون اقوى بكتير لو ده مكتوب في الوصية.
لعمل وصية لها 6 خطوات:
- وكيل لتنفيذ الوصية ودة لازم يكون شخص لا يرث..زي صديق مثلا.
- محامي متخصص في كتابة الوصية (مش اي محامي)
- اخذ رأي شخص عندة علم شرعي
- شاهدين يمضوا علي الوصية ودول المحامى ممكن يوفرهم عادى ولو انت هتوفرهم/ هتوفريهم مينفعش حد منهم يكون من الورثة.
- بداية كتابة الوصية نفسها وصياغتها بالصورة القانونية مع المحامى وممكن تكتب فيها لو حبيت الشخص الذى توصى بالتغسيل, مكان الدفن, تعيين وصي للاطفال وطريقة توزيع التركة.
- تحفظ الوصية في مكان امن ويفضل أن يكون لها اكثر من نسخة. بعض الناس يحتفظ بنسخة عند المحامى ونسخة معا ك ( البعض يحتفظ بهذه فى صندوق فى البنك) نسخة عند الشخص منفذ الوصية.
وطبعا بالتسبة للأخوة المسيحيين يمكن يكتبوا الوصية بالطريق اللى يحبوها مع التأكيد علي نقطة الوصي علي الاولاد.
الوصية ممكن تتغير عادي جدا.. يعني ممكن تعدلها تاني يوم عادي..بس لازم تاخد بالك ان التعديل برضه يلتزم وجود نفس بنود الوصية الاولي, زي وجود شاهدين
لكتابة الوصية لو انت مجهز نفسك بالتفاصيل هتحتاج أو تحتاجى لزيارتين للمحامى. الأولى لتوضيح ما تريد والثانية للتوقيع واستلام الوصية.
بعض الناس بيقوم بتوثيق هذا الوصية فى المحكمة بنفسه بدلا من أن يقوم الناس بعمل ذلك بعد الوفاة.
تستطيع ان تجد وصية جاهزة للطباعة هنا
https://irelandinarabic.org/wp-content/uploads/2020/05/template-1.pdf
https://irelandinarabic.org/wp-content/uploads/2020/05/template-2.pdf
للمقيمين في كورك دي محاميه في كورك ?
Babington Clarke & Mooney Solicitors
48 South Mall, Centre, Cork, T12 T954
(021) 427 3004
https://goo.gl/maps/YeuCD78dhNG2
اسمها Geraldine..
فيه غيرها كتير فى المكتب.. بس هى صبورة وبتفهمك كل حاجة
المحامي بياخد من ٧٥ يورو و طالع ممكن ل ١٥٠ أو اكتر على حسب تفاصيل الوصيه و المطلوب فيها
تطبيق المواريث :
أدخل بيانات المسألة وسيظهر لك حلها ونصيب كل وارث فى ثوان معدودة
متاح مجانا للتحميل:
آيفون:
أندرويد:
موضوع آخر:
فى حالة وفاة الشخص فيه ضرائب بتتاخد علي الميراث:
- الزوج> لا ضريبة
- الأطفال> الحد الأدنى هو000 310 لكل طفل ، لو أكثر , الدولة ستطبق الضرائب
- الآباء والأخوة والأحفاد> العتبة 32500 للفرد ، لو أكثر , الدولة ستطبق الضرائب
- أي شخص آخر> الحد الأدنى هو 16500 لكل شخص ، لو أكثر الدولة ستطبق الضرائب